M.1.

Piż tal-kampjun inkrementali

Il-piż tal-kampjun inkrementali għandu jkun ta’ madwar 80 g, sakemm ma jiġix definit mod ieħor f’din il-parti M.

Fil-każ ta’ lottijiet f’pakketti għall-bejgħ bl-imnut/individwali, il-piż tal-kampjun inkrementali jiddependi mill-piż tal-pakkett għall-bejgħ bl-imnut/individwali.

Fil-każ ta’ pakkett għall-bejgħ bl-imnut/individwali ta’ > 80 g, dan jirriżulta f’kampjuni aggregati li jiżnu aktar mill-piż meħtieġ indikat fit-Tabelli 1 u 2. Jekk il-piż ta’ pakkett għall-bejgħ bl-imnut/individwali wieħed huwa ta’ >> 80 g, għandhom jittieħdu 80 g minn kull pakkett għall-bejgħ bl-imnut/individwali bħala kampjun inkrementali. Dan jista’ jsir jew meta jittieħed il-kampjun jew fil-laboratorju. Madankollu, f’każijiet li fihom tali metodu ta’ kampjunar jista’ jwassal għal konsegwenzi kummerċjali inaċċettabbli li jirriżultaw minn ħsara lil-lott (minħabba l-forom ta’ imballaġġ, il-mezzi ta’ trasport, eċċ.), jista’ jiġi applikat metodu alternattiv ta’ kampjunar. Pereżempju, f’każ li fih prodott ta’ valur jiġi kkummerċjalizzat f’pakketti għall-bejgħ bl-imnut/individwali ta’ 500 g jew ta’ 1 kg, il-kampjun aggregat jista’ jinkiseb bl-aggregazzjoni ta’ għadd ta’ kampjuni inkrementali li huwa iżgħar mill-għadd indikat fit-Tabelli 1 u 2, sakemm il-piż tal-kampjun aggregat jikkorrispondi għall-piż meħtieġ tal-kampjun aggregat imsemmi fit-Tabelli 1 u 2.

Meta l-pakketti għall-bejgħ bl-imnut/individwali jkunu inqas minn 80 g u jekk id-differenza tkun żgħira (jiġifieri mhux inqas minn nofs 80 g) pakkett wieħed għall-bejgħ bl-imnut/individwali għandu jitqies bħala kampjun inkrementali wieħed, li jirriżulta f’kampjun aggregat ta’ inqas mill-piż meħtieġ indikat fit-Tabelli 1 u 2. Jekk il-piż tal-pakketti għall-bejgħ bl-imnut/individwali jkun ħafna inqas minn 80 g, kampjun inkrementali wieħed għandu jikkonsisti f’żewġ pakketti għall-bejgħ bl-imnut/individwali jew aktar, fejn it-80 g jiġu approssimati kemm jista’ jkun.

M.2.

Diviżjoni tal-lottijiet f’sublottijiet għall-kampjunar ta’ ħxejjex aromatiċi mnixxfin, infużjonijiet erbali (prodott imnixxef), tejiet (prodott imnixxef) u ħwawar magħmulin trab

Tabella 1

Suddiviżjoni ta’ lottijiet f’sublottijiet skont il-piż tal-lott

M.3.

Metodu ta’ kampjunar għall-ħxejjex aromatiċi mnixxfin, għall-infużjonijiet erbali (prodott imnixxef), għat-tejiet (prodott imnixxef) u għall-ħwawar magħmulin trab (lottijiet ta’ ≥ 15-il tunnellata)

Sakemm is-sublott jista’ jiġi sseparat fiżikament, kull lott għandu jiġi suddiviż f’sublottijiet skont it-Tabella 1. Jekk jitqies li l-piż tal-lott mhuwiex dejjem multiplu eżatt tal-piż tas-sublottijiet, il-piż tas-sublott jista’ jaqbeż il-piż imsemmi b’massimu ta’ 20 %.

Għandhom jittieħdu kampjuni ta’ kull sublott separatament.

L-għadd ta’ kampjuni inkrementali għandu jkun ta’ 50. Il-piż tal-kampjun aggregat għandu jkun ta’ 4,0 kg.

Jekk ma jkunx possibbli li jitwettaq il-metodu ta’ kampjunar deskritt hawn fuq minħabba l-konsegwenzi kummerċjali inaċċettabbli li jirriżultaw minn ħsara lil-lott (minħabba l-forom ta’ imballaġġ, il-mezzi ta’ trasport, eċċ.) jista’ jiġi applikat metodu alternattiv ta’ kampjunar sakemm dan ikun kemm jista’ jkun rappreżentattiv u deskritt u ddokumentat b’mod sħiħ.

M.4.

Metodu ta’ kampjunar għall-ħxejjex aromatiċi mnixxfin, għall-infużjonijiet erbali (prodott imnixxef), għat-tejiet (prodott imnixxef) u għall-ħwawar magħmulin trab (lottijiet ta’ < 15-il tunnellata)

Għal-lottijiet ta’ ħxejjex aromatiċi mnixxfin, infużjonijiet erbali (prodott imnixxef) u tejiet (prodott imnixxef) u ħwawar magħmulin trab ta’ inqas minn 15-il tunnellata, il-pjan ta’ kampjunar għandu jikkonsisti fi 3 sa 50 kampjun inkrementali, skont il-piż tal-lott, li jirriżulta f’kampjun aggregat ta’ 0,2 sa 4,0 kg.

Iċ-ċifri fit-Tabella 2 li ġejja jistgħu jintużaw biex jiġi ddeterminat l-għadd ta’ kampjuni inkrementali li jrid jittieħed.

Tabella 2

Għadd minimu ta’ kampjuni inkrementali li jrid jittieħed skont il-piż tal-lott ta’ ħxejjex aromatiċi mnixxfin, infużjonijiet erbali (prodott imnixxef), tejiet (prodott imnixxef) u ħwawar magħmulin trab

M.5.

Kampjunar fl-istadju tal-bejgħ bl-imnut

Meta jkun possibbli, il-kampjunar tal-oġġetti tal-ikel fl-istadju tal-bejgħ bl-imnut għandu jsir f’konformità mad-dispożizzjonijiet stabbiliti f’din il-parti M.

Meta dak ma jkunx possibbli, jista’ jintuża metodu alternattiv ta’ kampjunar fl-istadju tal-bejgħ bl-imnut sakemm dan jiżgura li l-kampjun aggregat ikun rappreżentattiv b’mod suffiċjenti tal-lott li minnu ttieħdu l-kampjuni u jkun deskritt u ddokumentat b’mod sħiħ. Ikun xi jkun il-każ, il-kampjun aggregat għandu jiżen minn tal-inqas 0,2 kg.

M.6.

Il-kampjunar tas-supplimenti tal-ikel li fihom il-ħxejjex aromatiċi mnixxfa bl-ingrossa qabel l-imballaġġ tagħhom f’pakketti għall-bejgħ bl-imnut/individwali għall-konsumatur finali

Għat-teħid ta’ kampjuni tas-supplimenti tal-ikel li fihom il-ħxejjex aromatiċi mnixxfa bl-ingrossa qabel l-imballaġġ tagħhom f’pakketti għall-bejgħ bl-imnut/individwali, japplikaw id-dispożizzjonijiet dwar il-kampjunar previsti f’din il-parti M u għandhom jiġu applikati abbażi tal-piż tal-kontenut ta’ ħxejjex aromatiċi mnixxfa tas-supplimenti tal-ikel bl-ingrossa.

M.7.

Aċċettazzjoni ta’ lott jew sublott

Aċċettazzjoni: meta l-kampjun tal-laboratorju jikkonforma mal-livell massimu, filwaqt li jitqiesu l-korrezzjoni għall-irkupru u l-inċertezza tal-kejl.

Rifjut: meta, mingħajr l-ebda dubju raġonevoli, il-kampjun tal-laboratorju jaqbeż il-livell massimu filwaqt li jitqiesu l-korrezzjoni għall-irkupru u l-inċertezza tal-kejl. Dan huwa l-każ meta r-riżultat analitiku (ikkoreġut għall-irkupru jekk applikabbli) li minnu titnaqqas l-inċertezza estiża tal-kejl li tirriżulta mill-analiżi jkun ogħla mil-livell massimu.”